السلام عليكم ...
زي ما قلت امبارح انه كان في امتحان توظيف لالنا اليوم بالازهر ... توجهت للإمتحان بعد مراجعة بسيطة جدا لشوية شغلات لاني مقتنع انه كل الشغلة رفع عتب مش اكتر ...
الامتحان كان جزئين عملي ونظري ...
العملي كان بسيط ولكن الوقت ما بسعف تاخد راحتك بالحل ... مش بلوم الوقت لكن برضوا الواحد زمان ما اشتغل وورد واكسل ... :: وورد واكسل عادي متستغربوش ::
وطلعنا من العملي علي اساس النظري رح يكون اسهل .. ولكن العملي طلع سباق 100 متر والنظري هوا المارتون ... اسئلة منوعة ومعددة ... غدونا شوربة خضار يعني ...
كان الامتحان يصنف من الامتحانات الرياضية ... اللي بتمارس فيها رياضة الجري لحد ما ينقطع نفسك ... جريت جريت وبعد نص الطريق بشوي بنشر العجل ...
واهي تجربة بتنضاف علي التجارب السابقة ...
مخسرناش اشي ... غير 5 شيكل مواصلات :D
1 التعليقات:
بكل بساطة ، اليوم كان يوم في قمة الهبل ، يعني الواحد عارف انوا الامتحان مجرد اجراء روتيني وشكلي ، وانوا المطلوب راح يتم اختياره من دون شي ، الا انوا رحنا وضحكنا على حالنا متل باقي الناس ، بس للأسف الواحد فضح حالوا بين اهله واصحابه والاسوء كمان في شغله عرفوا كمان ، وياريت الموضوع فعلا صحيح الاختيار على الامتحان ، بس يا الله مو غلط ، الواحد على الاقل مر بتجربة جديدة من التجارب اللي مو عارف وين يصنفها
------------
صحيح مبروك المدونة الجديدة ، وان شاء الله مقعد لكل الزهقانين والقرفانين من البلد وكل شي بالبلد
إرسال تعليق