سلام الله عليكم ...
بصراحة اليوم ما كنت حابب ادون اي اشي ... بس وصلت معي لقمة الزهق ... وملقيتش غير افش غلي في التدوين ...
مع اقتراب الشهر العاشر علي تخرجي .. كل يوم عن يوم بزيد مسلسل الزهق ... الايام بتمر بدون ادنى فائدة ... والحياة صارت عبارة عن روتين يومي مش أكتر ... بعد التخرج بفترة بسيطة واثناء فترة عملي ... كان الواحد مجبر علي تطوير نفسه لانه مكان عمله كان يفرض عليه يتابع كل جديد .. بس ما اكن في وقت ليوفق الواحد بين شغله وتطوير نفسه واهله واصحابه ... وكانت حجتنا هيا الوقت ...
حاليا ... ما في شيئ ورانا ... ومن كتر ما الواحد فاضي مشغول ... بس ما في دافع لانه الواحد يبحث عن اي شيئ ... المخططات كتيرة والمطلوب كتير كمان .. بس ما بتم انجاز اشي ... ما فيه دوافع !! :: حجه واهية ::
مع بداية اليوم ... وبمجرد ما بتبدا اشعة الشمس تسلل للأرض ... ببدا التخطيط لتضييع اليوم ... :: فعلا احسن مصطلح اطلقه هو تضييع :: لأنه المخطط يخلو من اي فائدة ...
في الايام العادية بسلي وقتي بمدرسة القيادة ... علي الاقل حجة اهي الواحد بروح وبضيعله شوي وبشوف العالم ... مع اني مش مقتنع فيها لحتي الان ... لكن اهي بتسلينا هاليومين ... بتردد علي الجامعه من فترة لفترة بحجة متابعة جديد الشهادة ... وبهيك في الاغلب بكون قضيت علي الفترة الصباحية من اليوم ...
وبعد العودة للبيت ... هاد اذا كان في عودة اصلا ... بتبدا حياتي اليومية ... بفتح الجهاز بنتت ... بسكره 5 دقايق وبرجع بفتحه ... كل ما بتخطر علي بالي فكرة استغلال للوقت وانا بنتت بقول ولإيش الواحد يتعلم ... مهيا الايام جاية ... لما ييجي وقت الشغل بنرجع نبحث ^_^
موضة جديدة ... سماعة الجوال في داني وبتنقل بين محطات الراديو .. ومن غرفة لغررفة ولما بزهق من الغرف بطلع علي السطح ^_^
المشكل وين ...
في يوم الجمعه ... ليش !!!
لانه في يوم الجمعه كل مؤسسات العالم بتكون اوف ... وبهيك برنامج المسا بتحول للصبح والمسا بندور علي برنامج ... حتي المباريات اللي بتبعها ... يوم الجمعه بيخلوا من اي قمة كروية ^_^ :: زي يوم الاتنين كمان .. عيد الحلاقين :: ... فما النا غير ندون :lol:
و ادينا بنطقطق في البيت ... علي الأقل اذا ما بنتعلم جديد بنحافظ علي اللي عنا ...
وعلي راي تامر حسني ... كل ما اقول هتغير تحصل حاجه ترجعني عن كل اللي انا ناويه
نوع من انواع فشة الخلق مش اكتر ...
والحمد لله علي كل حال ...
وربنا يجيب اللي فيه الخير ^_^
2 التعليقات:
يا ابو شريك ، خد مني هالوصفه الحلوه ،
لمابدك تضيع يوم ، اعمل اي اشي ملوش نهايه
يعني مثلا ماتحط كالندر لليوم ، يعني لما تحط جدول لتضييع اليوم رح تحسب كل دقيقه ، لا انت اطلع من باب الدار
ومن غير جدول وشوف كيف رح تلاقي حالك مروح آخر اليوم
وكإنه ربع يوم ، جرب وبعدين بدي اديك هالوصفه الحلوه
مارس هواياتك كتير ، مشان يصير مخك يضيع وتنسى كلشي ،
وبهيتك بتبطل تعرف معنى لا لوقت ولا لساعه ..
هههههههههههههههههه اكيد فاهمني
رح تصل لمرحلة تزهق فيها الشوارع والبشر ...
اخرتها رح ندور علي عالم تاني نعيش فيه
عااادي ...
بتهون يا صاحبي
إرسال تعليق