متفرقات

سلام الله عليكم ...

في الكم يوم اللي فاتوا كان في كتير حاجات صارت ... حبيت اجمعها واعرضها باختصار تحت عنوان متفرقات ...

اختباري الرابع

من يومين تقريبا كان عليا تقديم الاختبار الرابع في غضون اقل من شهر ... تقريبا صار الاشي عادي عندي ...
وزي كل مرة وبدون اي مبالاة توجهت للإختبار ... ربما ادعينا انه كان جامد شوي .. لكن طبعا اللي رايح علي ما عنده اكيد رح يقول هيك , أعتقد لو انه الموضوع اخذ بشكل من الجدية كانت ستكون النتيجة ممتازة ...لكن برضه نأمل مع رعاية من الله ولطفه ان تكون كذلك ...
ومهل عليا على بال ما اقتنع واصير اخد الموضوع بشوية جدية !!

نكسة جديدة

صحيح ... أقل ما يقال عنها انها نكسة ... ولكن اللي بخفف الصدمة انها نكسة متوقعة .. او بعنى اخر نهاية لمسلسل درامي طول كتير
زي ما لمحت قبل هيك اني من متابعي كرة القدم ومن هواة مشاهدة المباريات :: بنضيع وقت :D :: .. من يومين كانت قمة الدوري الاسباني بين الغريمين التقليدين الريال وبرشلونة وهالمباراة هادي في اسوأ الأحوال بتكون مباراة منتظرة وتوقع قمة فيها .. ما بالكم لما بتيجي وفارق نقاط 4 بس ...

اجا موعد اللعبة وللأسف :: بل ربما لحسن الحظ :: كنت مشغول مع شب صاحبي وما اجت فرصة اني اتابع المباراة

مع قرب نهاية الشوط الأول فتحت موقع كورة لأشوف النتيجة وكانت 2 -1 لبرشلونة :: مع العلم اني اشجع الريال ^_^ :: قلت هينه مدام مسجلين هدف يبقي في روح ... وان شاء الله بعدله علي الأقل ...

وبعدها بدت الانتكاسة 3 ... 4 ... 5 ... 6 , واخيرا انتهت 2 - 6 وحمدت ربي 100 مرة اني لم اتابع المباراة
ونامل من الله انه السنة الجاية تكون افضل :: مع انه مش باين لانه كل سنة بنقول هيك ::

أحسن من أول

اليوم كان درسي ال 11 في السواقة ... كان في مشوار لوالدي في المنطقة حوالين مدرسة القيادة ... ولانهم معارفه ميل عليهم

اصر المدرب الا تطلع تشوف ابنك كيف بسوق :: بنشف الريق :: فكانت القصة مش بسيطة ... لانه ابوي معي في السيارة وبده يطمن في فايدة ولا بكب مصاري علي الفاضي ^_^

بصراحة حاولت اسوق بتركيز اكتر من اي يوم ... والحمد لله ما علقش كتير وقال منيح في تحسن, طبعا المدرب استغرب قال يعني عشان ابوك معك ركزت في الطريق :lol: شخصيا شايف انه احسن من أول ان شاء الله .. بس غير راضي عن مستوي التقدم ...

اامل انه الايام القادمة تحمل احسن من هيك , وربنا يجيب اللي فيه الخير